Need something else? Contact us
ප්‍රධාන අධීක්ෂණ සහ විගණන වැඩසටහන්
වාහන වායු විමෝචන ව්‍යාපෘති කාර්යාලයේ ප්‍රධාන අරමුණක් වන්නේ වාහන වායු විමෝචන පරීක්ෂණ වැඩසටහන අධීක්ෂණය සහ විගණනය කිරීමයි. වාහන වායු විමෝචන කාර්යාලය අධීක්ෂණ,පරීක්ෂණ හා විගණනය යන කාර්යයන් සිදු කරනු ලබයි.
වාහන වායු විමෝචන පරීක්ෂණ මධ්‍යස්ථානවල ක්‍රියාකාරීත්වය තක්සේරු කිරීම සඳහා මෙම විගණන සිදු කෙරේ. ප්‍රධාන අරමුණු වන්නේ කිසියම් අක්‍රමිකතා, යටිතල පහසුකම්වල අඩුපාඩු සහ පාරිභෝගික සේවා සමඟ ඇති ගැටළු හඳුනා ගැනීමයි. කිසියම් ගැටළුවක් හමු වුවහොත්, නිසි පරීක්ෂණයක් පවත්වනු ලබන අතර, සොයාගැනීම් මත පදනම්ව, සුදුසු පිළියම් ක්‍රියාමාර්ග ගනු ලැබේ. මෙමගින් විමෝචන පරීක්ෂණ ක්‍රියාවලිය නිරවද්‍ය, විශ්වසනීය සහ ස්ථාවර බව සහතික කරනු ලබයි.
මාර්ගයේ ධාවනය වන වාහන අහඹු ලෙස පරීක්ෂා කිරීම මාර්ගස්ථ දුම් පරීක්ෂාවයි. නීතිය බලාත්මක කිරීමේ (ශ්‍රී ලංකා පොලිසිය) සහ මෝටර් රථ පරීක්ෂකවරුන්ගේ සහාය ඇතිව, වාහන වායු විමෝචන කාර්යාලයේ නිලධාරීන් විසින් මාර්ගයේ ධාවනය වන වාහන පිළිබඳ නියැදි පරීක්ෂණ සිදු කරනු ලබයි. බොහෝ විට වාහනයේ එන්ජින් ගැටළු හෝ දුර්වල විමෝචන පාලනය පෙන්නුම් කරන අධික දුමාරයක් නිකුත් කරන වාහන හඳුනා ගැනීම මෙහි අරමුණයි. අධික දුමාරයක් සහිත වාහන ඉදිරියට යාමට අවසර දීමට පෙර අවශ්‍ය නිවැරදි කිරීම් සිදු කිරීම අවශ්‍ය වේ. මෙම ක්‍රියාවලිය අතරතුර, ඔවුන්ගේ ආදායම් බලපත්‍ර අත්හිටුවා, අලුත්වැඩියා සටහනක් නිකුත් කෙරේ. මෙමගින් වායු විමෝචනය සම්බන්ධ ගැටළු වහා විසඳා ගැනීමට වාහන හිමිකරුවන් දිරිමත් කරයි.
අධික දුම් විමෝචනය හඳුනා ගැනීමට ඡායාරූප භාවිතා කිරීම, වාහන වායු විමෝචන ව්‍යාපෘතියේ තවත් නව්‍ය ප්‍රවේශයකි. අධික දුමාරයක් නිකුත් කරන වාහන හදුනාගත් විට ඡායාරූප මගින් සාක්ෂි ලබා ගැනීඹ සිදු කරයි. පසුව මෙම වාහන මෝටර් රථ ප්‍රවාහන දෙපාර්තමේන්තු පරිශ්‍රයේදී වැඩිදුර පරීක්ෂාවට ලක් කෙරේ. වාහනයක් පරීක්ෂාවට නොපැමිණියේ නම්, එය අසාදු ලේඛනගත කරනු ලබයි. එයින් අදහස් වන්නේ වාහන වායු විමෝචන ගැටළු විසඳන තෙක් එම වාහනය සඳහා විමෝචන සහතිකයක් හෝ වාර්ෂික ආදායම් බලපත්‍රයක් ලබා ගත නොහැකි වීමයි. මෙම පියවර මගින් විමෝචන ගැටළු ඇති වාහන,
වායු දූෂණයට දායක වීමට ඉඩ නොදෙන බව සහතික කරනු ලබයි.
වාහන වායු විමෝචන ව්‍යාපෘති කාර්යයාලය මගින් වාහන ඇණීයට අදාළ ත්‍රිවිධ හමුදා වාහන සෑම වසරකම පරීක්ෂාවට ලක් කරනු ලබයි.
2015 වසරේ සිට වාහන වායු විමෝචන වැඩසටහන මගින් ත්‍රිවිධ හමුදාවේ වාහන සඳහා ස්වේච්ඡාවෙන් වායු විමෝචන පරීක්ෂණ සිදු කරනු ලබයි. ශ්‍රී ලංකා ත්‍රිවිධ හමුදාවේ වාහන මෝටර් රථ ප්‍රවාහන දෙපාර්තමේන්තුවේ ලියාපදිංචි කර නොතිබුණද අපගේ ව්‍යාපෘති කාර්යාල නිලධාරීන් ස්වේච්ඡාවෙන් ඒවායේ වායු විමෝචනය පරීක්ෂාව සිදු කරනු ඇත. පිළිගත හැකි සීමාවන් තුළ පිටාර විමෝචන මට්ටම් පවත්වා ගෙන යාමට සහ ශ්‍රී ලංකා ත්‍රිවිධ හමුදා වාහන ඇණියේ බලශක්ති කාර්යක්ෂමතාව ඉහළ නැංවීමට දරන ප්‍රයත්නයන්ට සහාය වීම මෙම ක්‍රියාකාරී වැඩසටහනේ අරමුණයි.
2015 වසරේ සිට වාහන වායු විමෝචන වැඩසටහන මගින් ත්‍රිවිධ හමුදාවේ වාහන සඳහා ස්වේච්ඡාවෙන් වායු විමෝචන පරීක්ෂණ සිදු කරනු ලබයි. ශ්‍රී ලංකා ත්‍රිවිධ හමුදාවේ වාහන මෝටර් රථ ප්‍රවාහන දෙපාර්තමේන්තුවේ ලියාපදිංචි කර නොතිබුණද අපගේ ව්‍යාපෘති කාර්යාල නිලධාරීන් ස්වේච්ඡාවෙන් ඒවායේ වායු විමෝචනය පරීක්ෂාව සිදු කරනු ඇත. පිළිගත හැකි සීමාවන් තුළ පිටාර විමෝචන මට්ටම් පවත්වා ගෙන යාමට සහ ශ්‍රී ලංකා ත්‍රිවිධ හමුදා වාහන ඇණියේ බලශක්ති කාර්යක්ෂමතාව ඉහළ නැංවීමට දරන ප්‍රයත්නයන්ට සහාය වීම මෙම ක්‍රියාකාරී වැඩසටහනේ අරමුණයි.
වාහන වායු විමෝචන ව්‍යාපෘති කාර්යාලය වායු විමෝචන පරීක්ෂණ මධ්‍යස්ථානවල සිදුවන යම් යම් අක්‍රමිකතා සම්බන්ධ පැමිණිලි සහ ආරවුල් විමර්ෂණය කරනු ලබයි. වාහන වායු විමෝචන වැඩසටහනේ සුමට ක්‍රියාකාරිත්වය සහතික කිරීම සඳහා ඵලදායී සන්නිවේදනය සහ ක්ෂණික විමර්ෂණය සඳහා අපි ප්‍රමුඛත්වය දෙන්නෙමු. මහජනතාව විසින් මතු කරනු ලබන ගැටළු ප්‍රවේශමෙන් ආමන්ත්‍රණය කිරීමෙන්, අපගේ විමෝචන පරීක්ෂණ සේවාවල අඛණ්ඩතාව සහ විශ්වසනීයත්වය පවත්වා ගැනීම අපගේ අරමුණයි. විශිෂ්ඨත්වය සඳහා අපගේ කැපවීම ප්‍රශ්න ඉක්මනින් විමර්ශනය කිරීම, නිවැරදි කිරීමේ ක්‍රියාමාර්ග ක්‍රියාත්මක කිරීම සහ සහභාගී වන සියලුම පාර්ශ්වයන් සඳහා විනිවිද පෙනෙන සහ සහායක පරිසරයක් පෝෂණය කිරීම දක්වා විහිදේ. ක්‍රියාශීලී කළමනාකරණය සහ සහයෝගීව ගැටළු විසඳීම හරහා, වාහන වායු විමෝචන වැඩසටහනේ ගුණාත්මකභාවය සහ විශ්වසනීයත්වය පිළිබඳ ප්‍රමිතීන් පවත්වා ගනිමු.